Ka mbërritur në aeroportin “Adem Jashari” aeroplani ku gjendet trupi i pajetë i ish-kryeministrit të Kosovës, Bajram Rexhepi.
Trupi i ndjerë i tij mbërriti në Prishtinë në orët e para të mëngjesit, ku të pranishëm në aeroport kanë qenë edhe familjarë të tij.
Trupat e Forcës së Sigurisë së Kosovës do ta bartin arkivolin e ish-kryeministrit Rexhepi për homazhe në Kuvendin e Kosovës.
Ish-kryeministri Rexhepi ndërroi jetë të hënën në Turqi, në moshën 63-vjeçare.
