Sallat janë të mbyllura, por kinemaja mendon për koronavirusin.
Ka mberritur filmi i parë për Covid-19. Nga regjisori iranian Mostafa Keshvari, i cili jeton në Kanada vjen filmi i titulluar “Corona”.
Një thriller psikologjik, në fazën fillestare të epidemisë. Eshte i vendosur në një ashensor ku një vajzë kineze (Traei Tsai) e cila mund të ketë kontraktuar virusin bllokohet me shtatë persona të tjerë. Çfarë do të ndodhë?
“Corona” adreson temën e paragjykimeve: “Flet për frikën, është një studim i shoqërisë, njerëzve dhe zgjedhjeve morale”, thotë Keshvari për “New York Times”. Ideja i erdhi regjizorit menjëherë në një ashensor, mbi dy muaj më parë, duke lexuar lajmet për sulmet që turistët kinezë vuanin nga paranoja e virusit.
“Covid-19 fillimisht u quajt ‘virusi kinez” – kujton Keshvari, duke folur për filmin me Hollywood Reporter -. Por tani ajo prek të gjithë, nuk ka asnjë problem racor. Tani raca njerëzore duhet të bashkohet për ta mposhtur atë. Virusi nuk diskriminon, pse ne duhet ta bëjmë?”
Filmi u xhirua në pak ditë në shkurt me një ekuipazh prej 25 personash, në fillim të epidemisë: “Ne menduam se do të kalonte shpejt. Askush nuk mund ta imagjinonte të gjithë këtë”. Deri më tani nuk ka pasur ndonjë rast pozitiv të virusit midis kastit dhe ekuipazhit.
