Kanë mbërritur me një ditë vonesë në aeroportin e Rinasit, 100 mijë vaksina kineze kundër koronavirusit.
Kryeministri Edi Rama, e cilësoi bllokimin e punës në aeroport si një tentativë çmendurake, dhe nxitje të rrëmujës në prag të zgjedhjeve.
Rama u shpreh se qeveria është e vendosur për të vazhduar me ritme të larta vaksinimin masiv dhe për të garantuar një sezon turistik të lehtësuar e me të ardhura të larta.
’’Aeroporti Nënë Tereza – Me një ditë vonesë për shkak të tentativës çmendurake për bllokimin e fushatës së vaksinimit dhe nxitjen e rrëmujës në prag të zgjedhjeve, mbërrijnë 100,000 vaksina të tjera anticovid.
Më të vendosur se kurrë për të vazhduar me ritme të larta vaksinimin masiv dhe për të garantuar një sezon turistik të lehtësuar e me të ardhura të larta për Shqipërinë’’, shkruan Rama në rrjetin social, Facebook.
