Në lojë janë 180 milionë euro për kartonin dhe një pagë prej 18 milionë eurosh në vit; të gjitha për Kylian Sanmi Mbappe.
18 vjeçari ka djegur gjithë etapat me Monacon duke përfunduar në shënjestrën e klubeve më të mëdha të Evropës.
Gjithsesi çmimi dhe kërkesat e lojtarit duket se kanë frenuar disi pretendentët kryesorë.
Reali i Madridit dhe Manchester City kanë bërë një hap pas, por jo PSG që këtë të diel në Guingamp do të shijojë debutimin e Neymar dhe ndërkohë synon të bëjë të sajin dhe Mbappe, shkruan Supersport.
Ndërkohë trajnerët e Monaco dhe PSG-së lëshojnë sinjale të ndryshme.
Nga njëra ana trajneri i parisienëve Emery lë të hapur gjithçka duke u shprehur: Nuk e di se çfarë do të ndodhë, por sot Mbappe është një lojtar i Monaco.
Spekulimet ndërkohë gjejnë ushqim edhe nga fjalët e trajnerit të Monaco Jardim që nga Monte Carlo: Nuk flas për merkaton me Mbappe dhe gjithsesi këto janë çështje private.
Pas disa javësh gjithçka do të kthehet në normalitet”. Lekuipe ndërkohë bën të ditur se Mbappe ju ka komunikuar drejtuesve të Monaco se dëshiron largimin.
