Paraditen e sotme, policia e Tiranës u hodh në veprim pas sinjaleve për një çantë të dyshimtë. Por me sa duket, ka rezultuar alarm fals për bombë në rrugën “Mustafa Matohiti”.
Forcat xheniere kanë ndërhyrë menjëherë, pas njoftimit nga blutë e Tiranës. Pas hapjes së çantës, ka rezultuar se në të kishte disa rroba të bardha dhe sende të tjera personale.
Ende nuk ka informacione se kush e ka braktisur çantën në këtë zonë të populluar të Tiranës. Kanë qenë qytetarët që kanë pikasur çantën e braktisur, ndërsa më pas policia ka rrethuar zonën duke krijuar një perimetër sigurie dhe duke mbajtur qytetarët larg deri në ardhjen e xhenierëve të cilët hapen çantën, tek rrugica që njihet si “rrugica e Berishës”. Në këtë zonë është edhe pallati ku jeton ish-kryeministri Sali Berisha.
