Të mbash një ditë si të Jennifer Lopez, është një torturë e vërtetë. Të paktën kjo u reflektua qartë nga gazetarja e njohur shqiptare, Iva Tiço. Ajo ka rrëfyer sot vështirësitë e dietës së famshme që ka mbajtur këngëtarja Jennifer Lopez, teksa ishte e ftuar në emisionin “Rudina”.
Iva Tiço e ndoqi dietën strikte 10 ditore, dhe premtoi se do të ndante momente hap pas hapi në profilin e saj në Instagram. Ajo tha më tej se nëse nuk do të kishte premtuar në emision, ajo do të kishte hequr dorë shumë shpejt, pasi të linte sheqernat, ishte shumë e vështirë për të.
Iva tha se në 10 ditë humbi 2 kg. “Kuptova që kisha varësi nga sheqernat. E pata më të vështrë sesa shoqja ime që po linte cigaren”, u shpreh ajo.
Dieta 10-ditore e Jennifer Lopez kërkon ushqimin me produkte pa sheqerna, yndyrna, pa brumëra, por vetëm me ushqime të shëndetshme që përmbajnë proteina.
