Sot maturantët janë rikthyer në shkollë, për të nisur përgatitjet për provimet e maturës shtetërore. Provimet e maturës do të mbahen mes datave 8-18 qershor.
Procesi mësimor përgatitor do të vazhdojë deri më 5 qershor. Sikundër ka paralajmëruar edhe më herët Ministrja e Arsimit, Besa Shahini, gjimnazet janë përgatitur për të siguruar kushtet e nevojshme të higjienës dhe distancimit fizik.
Në klasa nuk do të jenë më shumë se 15 nxënës maturantë, dhe për të garantuar këtë do të shfrytëzohen edhe shkollat 9-vjeçare.
Sa i takon provimeve, do të përfshihen vetëm temat e zhvilluara para mbylljes së shkollave.
