Të pakënaqur me mënyrën sesi ishte hartuar teza e provimit të Gjuhës dhe Letërsisë, ditën e sotme kanë protestuar edhe maturantët në Kamëz.
Këto të fundit pritet t’i bashkohen protestës që bëhet tek Ministria e Arsimit.
“Ne menduam që të bashkoheshim me maturantët kudo, ku janë e ku s’janë dhe t’i mbështesnim. Protesta do ketë vetëm pesë minuta bllokim trafiku, në rrugën kryesore që të lidh me veriun. Ndërsa, pjesa tjetër do të zhvillohet në Tiranë, duke marshuar”, tha një nga maturantët për “abcnews.al”.
Sa i përket testit të matematikës, të rinjtë thonë se janë përgatitur, por presin që të jetë sërish “një telebingo”… po ashtu ata thonë se nëse shumica e maturantëve do ta bojkotojnë provimin e radhës, ata do të bashkohen.
