Humbja e së dielës në Beer Sheva përballë Izraelit me rezultatin befasues 2-0 i ka minimizuar shanset e kuqezinjve për të marrë vendin e parë në Grupin 1 të Ligës C. Mënyra se si erdhi kjo humbje ishte e dhimbshme, pasi kjo ishte ndeshja më e bukur dhe dominuesve e kuqezinjve në drejtim të Panuccit, por që u mbyll me humbje.
Por Shqipëria vazhdon të shpresojë për vendin e parë, pasi akoma ia lejon matematika edhe pse përqindjet janë shumë të ulëta. Skenari është i tillë që të tre skuadrat ta mbyllin me pikë të barabarta grupin dhe aty hynë në fuqi golavarazhi.
Shqipëria duhet patjetër të fitojë me diferencë të thellë golash me Skocinë, 4 -0, dhe Skocia të triumfojë 1-0 (2-0 ose 3-0) ndaj Izraelit, që formacioni i Panuccit të kualifikohet për më tej. Në këtë rast, golaverazhi i Shqipërisë do të ishte pozitiv, 5/4, i Izraelit 4/3 (4/4 ose 4/5), dhe i Skocisë 4/6, (5/6 ose 6/6).
Kriteri që do të favorizonte Shqipërinë ndaj Izraelit do të ishte numri i përgjithshëm i golave të shënuar (pikët do të ishin të barabarta me Izraelin, 6, diferenca e golave e njëjtë, +1). Çdo fitore e Skocisë me diferencë 4 a më shumë gola ndaj Izraelit, do ta bënte të pavlefshëm suksesin hipotetik 4-0 te kuqezinjve ndaj Skocisë. Në kë rast do të kualifikoheshin skocezët.
