Presidenti i Brescia, Massimo Cellino, ka shpërthyer ndaj lojtarëve, duke i cilësuar si njerëz pa edukatë. Ai ka shprehur zemërimin ndaj ekipit, ndërsa ka zbuluar se është kërcënuar prej tyre.
“Në 30 vjet, në botën e futbollit nuk më kishte ndodhur kurrë të kërcënohesha nga lojtarët. Njerëzit që donin të shiteshin, përndryshe do të kishin kaluar në depresion. Ata nuk kanë as një copë edukate”, është shprehur Massimo Cellino, raporton Corriere dello Sport.
“Kam pesë telefona dhe janë të gjithë të fikur. Pse më telefonojnë mua, kur drejtorët sportivë janë aty?! Nëse dikush është i interesuar, i jap klubin që tani”, ka thënë më tej ai.
