Një banesë në qytetin e Korçës ka rënë pre e grabitësve në mes të ditës. Ngjarja ka ndodhur pak momente më parë, ndërsa personat e banesës në momentin e grabitjes, kanë qenë të gjithë në punë.
Sakaq, ende nuk dihen shuma e parave të grabitura dhe orendive të marra. Mësohet se personat kanë mbajtur nën vëzhgim prej ditësh banesën, ndërsa sot kanë shfrytëzuar momentin duke hyrë në shtëpi për ta plaçkitur.
Ngjarja ka ndodhur në lagjen nr.4 të qytetit. Ndërkohë policia ndodhet në vendngjarje dhe po punon për identifikimin dhe kapjen e autorëve të cilat grabitën banesën në mes të ditës.
