Një ngjarje e rëndë është shënuar mbrëmjen e djeshme rreth orës 21.30, në fshatin Xibër, Mat, ku është shkëputur një masiv shkëmbor duke rënë mbi një banesë.
Menjëherë ka shkuar grupi hetimor në vendin e ngjarjes ku kanë konstatuar se në lagjen “Mali i Zi”, fshati Xibër-Murrizë, Mat, nga rreth 100 metra lartësi është shkëputur nga shpata e malit një masiv shkëmbor, duke çarë murin e banesës së shtetasit Bajram Tafa, rreth 53 vjeç, ku për pasojë ky i fundit ka mbetur i dëmtuar rëndë.
“Tirana Today”, mëson se shtetasi i plagosur rëndë është Bajram Tafa, ku pas marrjes së ndihmës së parë në spitalin e Burrelit është nisur drejt spitalit të Traumës, Tiranës për ndihmë më të specializuar.
Në banesë ndodhej e gjithë familja dhe nuk ka të dëmtuar të tjerë përveç shtetasit të lartpërmendur. Grupi hetimor ndodhet në vendin e ngjarjes ku vijojnë hetimet për zbardhjen e kësaj ngjarje.
