Duket se përplasja mes aktores Egla Ceno dhe regjisorit Altin Basha nuk kanë të përfunduar. Pas qëndrimit publik të aktores e cila ka shkëputur marrëdhënien e punës me “Portokalli”-në, për shkak te “mospërputhjeve artistike”, kanë bërë që edhe regjisori Altin Basha të jap versionin e tij të ngjarjeve.
Regjisori është përgjigjur në lidhje me ngjarjen për “Report tv”, duke u shprehur se Ceno po përdoret për ti shërbyer fushatës së “baltosjes” së emrit të tij.
Duke vënë në dukje se Ceno ka qenë studentja e tij, dhe ai e ka mbështetur në rrugëtimin profesional, nuk lë pa thënë më tej se personazhi i saj ishte më i dështuari.
Aktorja me anë të një letre shprehej se nuk u bë dje aktore, por regjisori i ka dhunuar privatësinë dhe e ka dëmtuar moralisht dhe profesionalisht. Sipas saj, kjo çështje do sqarohet në vendin e duhur.
Por Altin Basha ia kthen me të njëjtën monedhë, teksa citon se ka shumë sms të tjera që do ta turpëronin në sytë e opinionit. Sipas tij, do t’i publikoj të gjitha nëse aktorja vazhdon të mashtrojë.
“Ajo ka gënjyer për shkaqet e largimit. Ka thëne që kemi “mospërputhje artistike”. Publiku e pa të vërtetuar të zezë mbi të bardhë nga sms se aktorja ka qene e vetëdijshme për performancën e dobët, dhe e njoftuar që do largohej nga Portokallia.
Sms janë komunikime pune dhe jo private. Nëse gënjen pa pikë turpi publikisht dhe nga sms del një mashtruese ordinere pa pike etike, si mund të më kërkohet llogari mua pse i publikova?
Sepse është mashtruese, ja pse. Gënjen kur thotë se sms e publikuara janë të shkëputura nga konteksti. Ka shume sms të tjera që do ta turpëronin në sytë e opinionit, të cilat do t’i publikoj të gjitha nëse vazhdon të mashtrojë paturpësisht.
Do të keshilloja ti ribotosh sms tashmë të publikuara, që të jetë e qartë gjuha që përdor ajo dhe gjuha që përdor unë. Aty kuptohet qarte cili është profesionisti. Gënjen përsëri kur thotë se do bëhem Drejtor i Teatrit Kombëtar. Nuk e ndaloj dot të publikojë thashethemet e kafeve rreth teatrit, por për çdo gënjeshtër do marrë përgjigje.
Mesa duket i është bere ves. Komentet janë çështje karakteri dhe edukate. Unë e kam pasur studente. E kam mësuar si të rrijë në skenë dhe për më tepër e kam promovuar gjithmonë në shfaqjet që kam drejtuar.
Investim i gabuar. Mund të edukoj profesioniste, por nuk edukoj njerëz. E kuptoj se po punon me zell për ti shërbyer fushatës së baltës të cilën e promovon injoranca, qentë endacakë që lehin në portale dhe llumi mediatik për shkak të marrëdhënieve të acaruara mes meje dhe Ben Blushit.
Pastaj ajo herë thotë më ke promovuar dhe herë thotë më ke penguar. Kjo është qesharake. Për çështjen e promovimit është tashme fakt shumë i njohur se unë jam regjisori që më shumë se cilido në Shqipëri ka promovuar të rinj në teatër dhe TV.
Ekziston një kategori aktoresh për të cilët një regjisor ose pedagogu më i mirë në botë kur i lavdëron, por kur i kritikon je njeri i keq. Kush është marrë me regji & pedagogji më kupton shumë mirë. Bëhet fjalë për rolin e Zimbiles që është një nga personazhet më të dobët që kanë dalë ndonjëherë në skenën e Portokallisë”, tha Basha.
