Arrestohet ish-e dashura e djalit të çiftit shqiptar të masakruar në Itali, Shpëtim dhe Teuta Pasho, të cilët u gjetën të copëtuar në 4 valixhe, më 15 dhjetor. Mëngjesin e sotëm është arrestuar Elona Kaleshi, e cila akuzohet për vrasje, fshehje dhe masakrim të trupave të dy bashkëshortëve.
Dyshohet se ajo ka qenë personi i fundit që ka parë çiftin Pasho. Vajzat e çiftit Pasho, Vitorja pohoi se personi i fundit që takoi prindërit ishte ish-e dashura e vëllait të vetëm Taulantit, Elona, por kjo e fundit e ka kundërshtuar.
Çifti Pasho është vrarë në shtëpinë ku ata qëndronin me qira, më pas janë masakruar, dhe trupat e tyre u vendosënnë katër valixhet e gjetura në afërsi të burgut Solliciano. Sipas të dhënave, Shpëtim Pasho është vrarë me thikë, në kohën kur ai po flinte gjumë, prandaj në trupin e tij nuk ka shenja dhune.
Ndërkohë që Teuta Pasho, është rrahur për vdekje, dëshmi për një gjë të tillë janë hematomat dhe kockat e thyera të gruas. Në momentin e vrasje çifti ka qenë i veshur me pizhama gjumi.
Pas vrasjes, trupat e tyre mësohet se janë prerë me sharrë elektrike dhe janë mbështjellë me materiale të ndryshme. Gjendja e mbetjeve të dy viktimave, të cilat nuk ishin të konsumuar në një shkallë të madhe, ndaj dhe ekspertët besojnë se mund të jenë mbajtur në frigorifer për disa kohë.
