Detaje të reja janë hedhur në dritë lidhur me vrasjen e 49-vjeçares Liri Xhepa, që ndodhi në orët e vona të mbrëmjes së djeshme në zonën e Liqenit të Sharrës në Tiranë.
Nga ana e policisë janë shoqëruar dhjetë persona, mes tyre dhe djemtë e viktimës, njëri prej të cilëve ndodhet në burg. Mësohet se Xhepa ka pasur problem me familjarët e bashkëshortit të saj, i cili tashmë nuk jeton më, dhe kjo është një nga pistat ku po heton dhe policia. Ka dyshime për një konflikt me saj dhe kunatit Dashamir Xhepa.
Në trupin e viktimës u konstatuan plagë të shumta, që ishin shkaktuar nga tre plumba si dhe sende të forta. Dyshohet se 49-vjeçarja është vrarë në një vend tjetër, dhe më pas është hedhur në mjedisin kodrinor, pranë zonës ku banonte.
Banorët e zonës janë shprehur se ajo ishte një grua e nderuar, dhe gëzonte respektin e të gjithë atyre që e njihnin.
Lidhje e fshehtë intime
Viktima Lirie Xhepa dyshohet se është vrarë nga kunati i saj, Dashamir Xhepa. Ata thuhet se kishin një marrëdhënie intime, dhe ajo i ka kërkuar të ndahen, por ai nuk ka pranuar, bën me dije “Panorama”.
E ndjera është nënë e katër djemve, dy prej të cilëve jetojnë jashtë shtetit, një ndodhet në burg, dhe djali i vogël jetonte me të në këtë zonë.
