Pezullimi i Drejtores së DAR në Vlorë ka krijuar përplasje në Ministrinë e Arsimit dhe Sportit.
Ministrja teknike e PD, Mirela Karabina firmosi sot pezullimin nga detyra të Albana Hodajt, por lidhur me rastin ka reaguar sekretari i MAS, Plarent Ndrecaj.
Ky i fundit thotë se Hodaj është në krye të detyrës, pasi pezullimi dhe largimi bëhet bazuar në procedura.
Sipas tij, nuk ka nisur asnjë procedurë për pezullimin e shkarkimin e Hodajt.
Në njoftimin për pezullimin e Hodajt, u akuzua edhe vetë Sekretari i DAR se ka ushtruar presion ndaj nëpunësve të administratës së MAS.
