Këngëtarja e njohur, Anxhela Peristeri është përfshirë në një konflikt virtual me një nga ndjekësit e saj në rrjetet sociale. Në një nga fotot e postuara së fundmi në Instagram nga këngëtarja, një nga ndjekësit e saj ka bërë ironi me moshën e këngëtares, duke nënkuptuar se po i kalon mosha për martesë.
“A të duket se të ka ardhur mosha për martesë??? Se femra bie më shpejt se mashkulli dhe me sa shihet, je në fillimet e pleqërisë”, i shkruan një ndjekës në foton e fundit Anxhelës.
Këngëtarja e indinjuar nuk i ka kursyer dy fjalë kundrejt tij, duke i thënë se po pret njeriun e duhur dhe se pleqëria është shumë larg saj.
“Mosha për martese nuk vjen por vjen njeriu i duhur për martese. Sa për pleqërinë më beso është shumë larg meje”, i përgjigjet Anxhela.
Por duket se ndjekësi nuk e ka lënë me kaq duke vijuar me komentet e tij:
“Si ka mundësi në gjithë Shqiptari s’po të vjen asnjë i duhur mi”.
“Se janë si puna jote ata që kanë ngelur prandaj”, ia ka kthyer këngëtarja.
