Manchester United vazhdon fazën përgatitore në Los Angeles, ndërsa francezi Anthony Martial ka lënë grumbullimin. Ishte vetë Jose Mourinho që konfirmoi se sulmuesi ka lënë turneun dhe se ishte një vendim i vetë lojtarit.
E gjithë kjo ka ndodhur pasi Martial është duke pritur që të bëhet baba për të dytën herë dhe nuk ka dashur ta lë të vetme gruan shtatzënë. Bosi i Unitedit shprehet se ai nuk kishte asnjë të drejtë ta ndalonte francezin që të linte skuadrën në SHBA për të fluturuar drejt Parisit pasi bëhej fjalë për cështje personale.
“Kam marë vesh dy ose tre ditë më parë se Martial ishte duke shkuar në Paris. Kur është arsyeja personale, të gjithë e analizojnë situatën dhe vendosin se si i përshtatet. Kur një njeri do të bëhet baba dhe vendos se është shumë e rëndësishme që të shkojë, askush nuk ka të drejtë ta ndalojë”, tha Mou.
