Marsida Qatja është larguar drejt Gjermanisë, së bashku me djalin e saj dy vjeç e gjysmë.
Ndaj saj është ngritur një akuzë konkrete nga Prokuroria, teksa mësohet se ikja e saj ka lënë përgjysmë hetimet e dosjes për vrasje dhe trafik droge.
Qatja akuzohet për vënien e ambienteve për përdorim të lëndëve narkotike dhe për të është dhënë masa e sigurisë detyrim paraqitje. Sipas ‘Gazetës Shqip’, hetimet kanë ngecur që pas largimit të saj në Gjermani, ku ndodhet në burg bashkëshorti i saj.
Marsida Qatja ishte prezente në ngjarjen ku mbeti i vrarë Dritan Haxholli, krim për të cilin akuzohet ish-oficeri i sigurisë në Burgun e Durrësit, Bledar Toçi. Ky i fundi është dënuar me burg nën akuzat për trafik droge. Ndërkohë dyshohet se viktima Haxholli, Marsida, Bledar Toçi dhe vëllai i tij Bernardi ishin pjesë e një rrjeti droge që vepronte në Kavajë dhe jo vetëm.
