“Do marr fjalën i pari, se më duhet të largohem”, kështu e nisi Edi Rama fjalën e tij në Parlament, ndërkohë që jashtë dëgjoheshin shpërthime dhe zhurma të tjera të protestës së opozitës.
Fjala e kryeministrit kishte në fokus pikërisht zhvillimet e fundit në vend, dhe kryesisht protestën e opozitës.
Mes të tjerave, ai theksoi se në protestë, pikërisht në krah të djathtë të liderëve të opozitës, ishte edhe një pronar i shpronësuar i lojërave të fatit, i cili mbante në krah liderët e opozitës.
Më anë të kësaj deklarate, Edi Rama donte të përcillte te deputetët e pranishëm në sallë se qeveria e tij ishte qeveri për popullin, duke e ilustruar këtë me aksionin jo shumë të largët për mbylljen e lojërave të fatit.
TIRANA TODAY
