Ish-anëtari i Këshillit Kombëtar të Partisë Demokratike, Edvin Kulluri ka deklaruar se PD është e falimentuar politikisht, ndërsa theksoi se lidershipi i kësaj force e ka lënë totalisht jashtë çdo mundësie për të ardhur në pushtet.
I ftuar në studion e “Report Tv”, Kulluri fajësoi kreun e demokratëve, Lulzim Bashën për gjendjen në të cilën ndodhet partia, teksa shtoi se marrëveshjet e tij e ka çuar PD-në në humbje.
“Nga ajo që di unë edhe Ristani ka pjesën e vet të përgjegjësisë. Askush nuk duhet të bëjë të virgjërin. Pas 2017 Ristani ka mbajtur një ekuilibër mes kritikëve dhe kreut të partisë. Ai është përpjekur të komunikojë me të gjitha palët por në fund ka vënë re se Basha nuk ka ndërmend të luftojë për të drejtën. PD është e falimentuar politikisht. Jo partia si parti por lidershipi i saj e ka lënë totalisht jashtë çdo mundësie për të ardhur në pushtet. Basha harron zgjedhjet e 2017 dhe të 30 qershorit që i ka falur në tavolinë. Marrëveshjet e tij nga kanë çuar në humbje”, tha Kulluri.
