Në marrëveshjen e arritur midis kryeministrit Edi Rama dhe kreut të Partisë Demokratike, Lulzim Basha dalin në pah disa pika të rëndësishme mbi zhvillimin e zgjedhjeve të 25 qershorit.
Duke marrë parasysh elementët që kanë rëndë dakord midis tyre, vihet në dukje cilësimi i shit-blerjes së votës si vepër korruptive. Ndërsa opozita ka rënë dakord për miratimin e organeve të vettingut. Gjithashtu, është rënë dakord për forcimin e kuadrit ligjor të financimit të partive politike nëpërmjet rregullimit dhe kufizimit të shpenzimeve zgjedhore, përfshirë ato materiale, kostove dhe transparencës në lidhje me to.
Parlamenti
Votimi i organeve të vettingut.
Votimi i dekreteve për anëtarët e rinj të Këshillit të Ministrave.
Ndryshim i Kodit Penal për forcimin e politikës penale nëpërmjet ashpërsimit të sanksioneve, krijimit të veprave të reja penale, kthimin e shitblerjes së votës në vepër korrupsioni.
Forcimi i kuadrit ligjor të financimit të partive politike nëpërmjet rregullimit dhe kufizimit të shpenzimeve zgjedhore, përfshirë ato materiale, kostove dhe transparencës në lidhje me to.
Përmirësimi i standardeve të pasqyrimit të fushatës elektorale në media.
Votimi i anëtareve të Këshillit të Ministrave, anëtareve të organeve të vettingut dhe i legjislacionit të parashikuar në këtë marrëveshje, do të kryhet në të njëjtën seancë të jashtëzakonshme të parlamentit.
