Publicisti Besnik Mustafaj tha se marrëveshja për detin me Greqinë s’do prodhojë qetësi. I ftuar në rubrikën “Opinion” në studion e lajmeve në News24, Mustafaj tha se diskutimet e Metës me ish presidentët janë të nevojshme. Presidentit të Republikës, Ilir Meta diskutoi më herët me ish-presidentët në lidhje me kërkesës që i dorëzoi Ministria për Evropën dhe Punët e Jashtme që të jepej plotfuqishmëri për nisjen e negociatave me Greqinë.
“Meta është i detyruar ta japë këtë mandat për ekipin negociator. Diskutimet e Metës me ish-Presidentët janë të nevojshme. Konsultimi zhvillohet lidhur me detyrimin që ka ai tani për këtë mandat për ekipin negociator. Jam i sigurt se Meta do të japë plotfuqishmërinë. Pavarësisht se Greqia është anëtare e BE prej 30 e ca vitesh, në Ballkan është vendi më i avancuar në institucionet e demokracisë. Ne gjendemi në vorbullën ku opinioni publik fantazitë i kthen në fakte dhe ushtron presion mbi politikën. Opinioni publik në Shqipëri e ka kujtesën të freskët . Marrëveshja me Greqinë s’do prodhojë qetësi,” u shpreh Mustafaj.
