Deputeti i Partisë Demokratike, Enkelejd Alibeaj ka akuzuar Prokurorinë e Përgjithshme se është nën sundimin e qeverisë dhe të Edi Ramës.
Në një konferencë për mediet, Alibeaj iu referua marrëveshjes së sotme nënshkruar mes Prokurorisë së Përgjithshme dhe Ministrisë së Brendshme, në takimin e sotëm të Xhafajt me Markun.
Fjala e Alibeajt:
Sot është lidhur një marrëveshje midis prokurorit të përgjithshëm dhe ministrit të Brendshëm.
Pra Prokuroria vendoset në shërbim të mbrojtjes së Saimir Tahirit.
Sot është lidhur një marrëveshje midis Markut dhe Xhafajt, pra midis qeverisë dhe prokurorisë, midis Saimrit Tahirit dhe Prokurorisë, një marrëveshje midis Edi Ramës dhe prokurorisë.
Marrëveshja, e cila zëvendëson Kushtetutën dhe bazohet ndër të tjera në një vendim të qeverisë, i cili nuk është në fuqi, është i pavlefshëm. Kjo marrëveshje e bazuar në urdhrin 204, një marrëveshje që bazohet ën urdhrin e kryeministrit. Pra vendosje totalisht nën sundim dhe urdhra të Ramës të atij organi që duhej të hetonte krimin e korrupsionin në qeverinë e Ramës.
Sot kemi një prokuror privat të përhershëm të Edi Ramës, e shkruar kjo në këtë marrëveshje. TIRANA TODAY
