Presidenti i Rusisë, Vladimir Putin, mbetet optimist për marrëveshjen e ndryshimeve klimaterike. Por shumë liderë botërorë gjatë ditës së djeshme kanë thënë se kanë shqetësime për të ardhme të zymtë.
“Mos u shqetësoni, jini të lumtur”, ka bërë shaka Putin në një forum ekonomik në Shën Petersburg të Rusisë. Ai tha se marrëveshja për klimë nuk është e plotfuqishme deri në vitin 2021, prandaj vendet do t’i kenë disa vite për të gjetur zgjidhje të mëtejshme konstruktive për ta luftuar nxehjen globale.
Putin tha se nuk dëshiron ta gjykoj presidentin amerikan, Donald Trump, për vendimin e tij.
“Marrëveshja është e mirë. Është një dokument përkatës që synon zgjidhjen e problemeve të sotme globale”, tha Putin.
Rusia e ka nënshkruar këtë marrëveshje, por nuk e ka ratifikuar ende.
