Duke iu referuar një shkrimi sot në një media greke e cila shkruan se “Marrveshja e Detit midis Shqiperisë dhe Greqisë është arritur midis dy qeverive përkatëse”, ka reaguar në një postim të shkurtër edhe djali i ish-kryeministrit Sali Berisha, Shkëlzeni, i cili shkruan:
“Marreveshja e Rames: Greket marrin naften dhe gazin, shqiptaret kripen”.
Pas shkrimit, ka reaguar edhe ish-Presidenti Bujar Nishani ku në një postim në rrjetet sociale, shkruan:
“Kërkoj publikisht si ish-President i Republikës, Prokurorit të Përgjithshëm të Republikës që të nis verifikimin ligjor kur kanë nisur negociatat dhe bisedimet, theksoj, “negociatat dhe bisedimet” për Marrveshjen e Detit dhe nëse gjatë këtyre bisedimeve është marrë “Plotfuqishmëria” sipas detyrimit të Vendimit të Gjykatës Kushtetuese.
Në këtë rast Prokurori i Përgjithshëm i Republikës dhe prokuroria shqiptare janë përpara një përgjegjësie të madhe ligjore kushtetuese mbi Sovranitetin e Shtetit”.
