Kryeministri Edi Rama theksoi se Marrëveshja e 18 majit me kryedemokratin Basha ishte shumë e vlefshme, por tashmë për Ramën shqetësimi kryesor është qeverisja e vendit.
Ai vuri në dukje se e vetmja gjë që ka bërë më vlerë kreu i PD-së, Basha është Marrëveshja e 18 majit, që sipas Ramës i hapi rrugë një procesi të drejtë zgjedhor.
“Mua më shqetëson vetëm një gjë, si çdo ditë ne ta përdorim për t’ju kthyer njerëzve hap pas hapi investimin në besim që ata bënë në 25 qershor, ky është shqetësimi me të cilin unë hap e mbyll sytë se na kanë dhënë në përgjegjësi të jashtëzakonshme dhe jemi të sfiduar për të qenë në lartësinë e kësaj përgjegjësie dhe për këtë ne nuk varemi nga PD apo nga lideri legjendar, por vetëm nga ne. Lulzim Basha mund të kompleksohet sa të dojë nga ata që mund ta shajnë si tradhtar e si i shitur pazari apo jo, nëse Basha ka bërë një gjë me vlerë për këtë vend si lider i opozitës është ajo marrëveshje, dhe këtë mund ta dëshmojnë të gjithë ata që ishin dëshmitarë të atij procesi zgjedhor”, theksoi Rama në “Top Story”.
