Prokurorja e Përgjithshme, Arta Marku ka lëshuar një deklaratë të fortë, që paralajmëron arrestime të tjera, teksa ka kërkuar që të hetohen në një mënyrë më efikase e shkuara dhe e tashmja e personave me precedentë kriminale.
Nga Elbasani, Marku ka lajmëruar kapjen e personave me pasuri të paligjshme, teksa ishte e pranishme në ceremoninë e përurimit të ndërtesës së re të Prokurorisë në këtë qytet.
“Pavarësia e prokurorit nuk do të thotë pavarësi nga ligji. Duhet të hetohen në një mënyrë më efikase e shkuara dhe e tashmja e personave me precedentë kriminale me pasuri të dukshme ardhur në mënyrë të paligjshme”, tha Marku ndër të tjera.
