Lulzim Basha u largua nga drejtimi i PD-së pas gati 9 vitesh (8 vite e 9 muaj) në krye të selisë blu. Në mbledhjen e djeshme të jashtëzakonshme me grupin parlamentar, Kryesinë dhe Kolegjin e Kryetarëve të PD-së, Basha njoftoi drejtpërdrejt se dorëhiqet nga detyra e liderit të demokratëve, me arsyetimin se nuk ia doli të siguronte bashkimin e partisë pas nisjes së luftës së brendshme brenda kampit blu. Basha pranoi se PD-ja ka hyrë në krizë të thellë politike.
Pedagogu dhe ish-deputeti i Partisë Demokratike, Mark Marku, tha dje në emisionin “Opinion” se ai që duhet të vijë në krye të Partisë Demokratike është ish-kryeministri Sali Berisha.
Pjesë nga biseda:
Mark Marku: Bashën e ka mundur Berisha zotëri, të vijë tani të marrë përgjegjësinë që i takon dhe ta çojë PD-në në fitore.
Blendi Fevziu: Të vijë Berisha në krye të PD?
Mark Marku: Po, po, po, nuk kanë votuar as Oerdin, as Çlirim Gjatën, as Flamur Nokën, pse të shtiremi. Këta thonë ne kemi bërë kongresin etj, etj. Ok. Ju jeni në Gjykatë të dyja palët për regjistrim. Ky është një sherr idiot, të hapin procesin dhe të zhvillojnë zgjedhje. Kurrë PD-ja s’ka bërë zgjedhje të lira, kurrë s’e ka bërë Berisha këtë gjë, madje edhe ka rrahur njerëz aty kur e kanë votuar kundër.
Oerd Bylykbashi: Je jashtë piste, o Mark
Mark Marku: Po, jo more
