Mark Marku në mbledhjen e PD: Të nisim protestat popullore

Kandidati për deputet në qarkun e Lezhës në listat e Partisë Demokratike, Mark Marku ka folur për mediat pas mbledhjes që zhvilloi bashkë me kolegët e tij me kryedemokratin Lulzim Basha.

Marku tha se ai është dakort që të zhvillohen protesta, gjë të cilën e ka kërkuar edhe gjatë mbledhjes, por që kryedemokrati Basha e ka kundërshtuar.

Përsa u përket personave që kërkojnë dorëheqjen e Bashës, Marku tha se ata janë shërbëtorë të kryeministrit Edi Rama.

Mark Marku: “PD po punon fort për të gjithë dokumentacionin për masakrën zgjedhore. Të gjithë e dinë që këtu ka patur një masakër zgjedhore, por duhen provat juridike për ta provuar këtë. Pastaj do jenë të gjitha format e tjera, protesta, luftën do ta bëjmë në parlament, në rrugë. Në gjykimin tim duhet të jetë një luftë deri sa Rama dhe bandat të largohen nga pushteti. Duhet të kombinohen të gjitha format e rezistencës. Bëhet fjalë për një regjim që duhet luftuar me të gjitha format. Ky është gjykimi im personal: Aty ku nuk ka zgjedhje të lira u lind e derejta qytetarëve të reagojnë me të gjitha format. Kryetari i Partisë e ka deklaruar që nuk do ta njohë rezultatin. Zërat për dorëheqjen e Bashës i konsideroj si shërbyes të Ramës, ata mund ta bëjnë me dashje apo pa dashje.”

Por, vetë Lulzim Basha është shprehur se beteja do të vijojë në Parlament. “Betejën në shtator do ta vazhdojmë në Parlament,”- ka thënë lideri i PD.