Emisioni “Gjurmë Shqiptare” do të ndërpresë transmetimin e tij përkohësisht. Lajmi është bërë i ditur nga vetë Marin Mema në një postim në “Facebook”. Gazetari investigativ Marin Mema ka njoftuar me anë të rrjeteve sociale se për të nuk do të ishte një periudhë pushimi, por do të punonte që të sillte tema të forta. Marini shprehet se emisioni do të rikthehet në datën 24 dhjetor me fuqi të reja, tema të forta, kërkime e të vërteta kudo në trojet shqiptare.
Statusi
Miq të dashur për shkak të Kampionatit Botëror të futbollit do të bëjmë një ndalesë fare të vogël me “Gjurmë Shqiptare”. Për të pasur të gjithë hapësirën e përhershme kemi bërë këtë zgjedhje si forma më e mirë për të ruajtur cilësinë e nevojshme.
Do të rikthehemi menjëherë në dt 24 dhjetor me fuqi të reja, tema të forta, kërkime e të vërteta kudo në trojet shqiptare. Sigurisht kjo do të jetë periudhe pune intensive!
Do të vazhdojmë plotësimin e temave të nisura dhe nisjen e të rejave. Një gjë është e sigurt do të kemi dokumentarë të fortë pas kësaj ndalese të vogël.
Misioni vazhdon. Në ndërkohë nuk ndalemi me “Shqipëria Tjetër” çdo të hënë në 20:05.
JU DUA SHUMË dhe Ju falenderoj për mbështetjen !
“Gjurmë Shqiptare” është një cikël reportazhesh përmes të cilëve synohet njohja e historisë dhe e zonave të ndryshme të Shqipërisë.
