Diego Armando Maradona ka qenë një ndër kritikët më të mëdhenj të Argjentinës gjatë fushatës kualifikuese për në Botërorin e Rusisë dhe vazhdon akoma të sulmojë ekipin. Kritikat më të mëdha kanë qenë për trajnerin Sampaoli për mënyrën e organizimit dhe zgjedhjes së lojtarëve të formacionit. Ndërsa së fundmi ai ka kritikuar edhe Sergio Agueron duke preferuar që para tij të aktivizohet Higuain. Në formacionin e hartuar nga Maradona si startues ndaj Kroacisë shihen Higuain dhe Pavon.
“Unë e adhuroj Pavon. Dhe e them me dhimbjen më të madhe për nipin tim Babu(është djali i Serio Aguerro me vajzën e dytë të Maradonës), por mendoj se Aguerro nuk ka ende në këmbë 90 minuta”, tha ish-El Pibe de Oro.
Maradona ka idenë që Pavon duhet të jetë në fushë nga minuta e parë, së bashku me Higuain. “Mendoj se ky mund të jetë çelësi për të arritur te suksesi”, tha Maradona.
