Ndikimi i Rusisë në Ballkan nuk është aspak i vogël, sidomos në vendet me origjinë sllave. Këtë e dëshmon edhe deklarata e fundin e presidentit të Rusë Vladimir Putin. Ai tha se Moska po e ndjek me vëmendje situatën në Maqedoni. Në takimin me presidentin e Maqedonisë,Gjorge Ivanov sot në Moskë, ai tha se marrëdhëniet Moskë-Maqedoni po përparojnë mjaft.
“Dëshirojmë që situata e brendshme politike në Maqedoni të zhvillohet në pajtim me Kushtetutën dhe parimet demokratike. Jam i bindur e përvoja juaj, ndikimi juaj dhe autoriteti do të kontribuojë për këtë”, tha presidenti Putin, duke shtuar se marrëdhëniet MaqedoniRusi po përparojnë dhe siç tha, ka lëvizje pozitive në këmbimin ekonomik.
Në fillimin e takimit, Putini ia uroi çmimin presidentit Ivanov që dje ia dorëzoi Patriaku i Kishës Ortodokse ruse, Kirili. Presidenti i Maqedonisë shfaqi kënaqësi të posaçme që pikërisht në këtë ditë, kur shënohet festa Shën Cirili dhe Metodi, të takohet me të.
Për ndikimin e Rusisw në Ballkan ka folur edhe zyrtari i lartë amerikan, Hoyt Brian Yee. Ai tha “Rusia po punon gjithnjë e më shumë për të minuar progresin në Ballkan. Rusia kërkon të pengojë avancimin drejt anëtarësimit në NATO dhe BE kudo që të jetë e mundur. Moska përdor propagandën dhe lajmet e rreme për të mbjellë mosbesim dhe konfuzion dhe për të minuar pozitat e udhëheqësve politikë properëndimorë,”
