Maqedonia e Veriut ka regjistruar 159 raste të reja me koronavirus gjatë 24 orëve të fundit. Kështu shkon në 13.458 numri total i të prekurve nga pandemia në vendin fqinj.
Ndërkohë, 6 persona të tjerë humbën jetën nga COVID-19, duke e cuar në 563 numrin e përgjithshëm të viktimave të shkaktuara nga ky virus.
Sot, Instituti i Shëndetit Publik regjistroi 75 pacientë të shëruar nga COVID-19, me çka numri i përgjithshëm i pacientëve të shëruar nga ky virus në vend arrin në 10.052, ndërsa aktualisht numri i rasteve aktive me koronavirus është 2.843.
Ministria e Shëndetësisë informon se në 24 orët e fundit janë kryer 1.733 teste për COVID-19, ndërsa deri më tani janë kryer gjithsej 136.051 teste për COVID-19.
