Tetë persona kanë humbur jetën gjatë 24 orëve të fundit në Maqedoninë e Veriut, për shkak të pandemisë së koronavirusit.
Kështu shkon në 259 numri total i viktimave të shënuara nga COVID-19 në vendin fqinj. Sa i përket rasteve të reja, ministria maqedonase e Shëndetësisë ka konfirmuar 136 persona të infektuar.
Rastet e reja janë konfirmuar: në Shkup-80, Kumanovë-6, Shtip-1, Prilep-3, Tetovë-24, Strugë-1, Veles-3, Ohër-5, Gostivar-4, Strumicë-1, Kriva Pallankë-1, Koçan-1, Kërçovë-1, Resnjë-4 dhe Negotinë-1.
Deri më tani, në Maqedoninë e Veriut janë shënuar gjithsej 5,445 raste të infektuarish. Më shumë se 3 mijë raste janë ende aktive në vendin fqinj.
Pandemia e koronavirusit ka prekur rreth 10 milionë njerëz në të gjithë botën, ndërsa mbi 480 mijë persona kanë humbur jetën.
