Ish-Ministri i Shëndetësisë i Maqedonisë, Nikolla Todorov e ka mbyllur në mënyrën më të keqe mandatin e tij në krye të këtij institucioni.
Vetëm pak orë pak orë para se të transferonte kompetencat e tij si ministër tek pasardhësi i tij, Todorov është qëlluar me armë zjarri para godinës së ministrisë në Shkup. Sipas medieve maqedonase, ai ka shpëtuar pa lëndime të rënda.
Policia ende nuk ka dhënë informacion mbi autorësinë e ngjarjes së rëndë, por mediet informojnë se personi që shtiu drejt ministrit në ikje, është 57 vjeçari nga Velesi, Lupco Stojanovski dhe se sulmi nuk ka motive politike.
Sakaq dorëzimi i detyrës i parashikuar për t’u bërë sot në ora 12.30 është shtyrë për një afat të papërcaktuar.
