Një lajm i keq vjen nga Maqedonia e Veriut, teksa në 24 orët e fundi kanë humbur jetën 6 persona nga koronavirusi.
Bëhet me dije se në spitalin “8 shtatori” kanë ndërruar jetë tre persona. Dy pacientë nga Shkupi të moshës 75 dhe 58-vjeçe, që janë pranuar në spital me 26 prill dhe një paciente nga Tetova në moshën 58 vjeçe, e cila është pranuar në spital me 12 prill.
Kështu shkon në 71 numri total i personave që kanë humbur jetën nga koronavirusi në Maqedoninë e Veriut.
Ndërkohë në 24 orët e fundit janë shënuar 22 raste pozitive me COVID-19. Prej këtyre: 11 raste janë paraqitur në Shkup, 2 në Kumanovë, 1 në Strugë, 3 në Veles, 2 në Kavadar, 2 në Gostivar dhe 1 në Negotinë.
Deri më tani në Maqedoninë e Veriut janë regjistruar 1,421 raste me koronavirus, ndërsa 589 persona janë shëruar.
