Deputetët e VMRO DPMNE-së me brohoritje dhe zhurmë duke u rënë tavolinave në sallën e Parlamentit, kanë tentuar të bllokojnë seancën ku në rend dite ishte votimi i zëvendësministrave.
Ata pretendojnë se është shkelur rregullorja e parlamentit për zgjedhjen e zëvendësministrave dhe se kryetari i Kuvendit nuk i jep opoyitës kohën e duhur për votim.
Nga ana tjetër kryetari i Kuvendit, Telat Xhaferi deklaroi se do të bëjë gjithçka për të kompensuar 6 muajt e humbur për faj të tyre.
Ligjvënësi Ilia Dimovski është përgjigjur se ata nuk kanë asnjë plan të bllokojnë reformat që i duhen vendit por nuk mund të bëhen makina votuese dhe të mos dinë se për çfarë po votohet. Ai gjithashtu ka shtuar se nuk do të pengojnë zgjedhjet e zëvendësministrave por për këtë atyre u nevojiten të paktën 10 ditë për t’i shqyrtuar një për një.
