Ish-ministri i Drejtësisë, Ylli Manjani është shprehur për ndërkombëtarët se kanë mbështetur autokracinë ekstreme në këtë vend, e kësisoj, sipas tij “s’mund të na japin më mend për sundim të ligjit”.
Përmes një postimi në rrjetin e tij social në “Facebook”, Manjani shkruan se ata janë bërë qesharakë sa më s’ka, ndërsa shton se nuk kanë fytyrë të na flasin për ligjshmëri.
“Ne do ta gjejmë një rrugë për t’u vendosur normalitetin Kushtetues në vend, por qartësisht këtë nuk do ta bëjmë as me Soreccën, as me Leylan, aq më pak me Boschard e shokët e tjerë si këto”, shkruan ndër të tjera ish-ministri.
Postimi i plotë i Manjanit:
Tani e tutje sa herë të dëgjoj nga Delegacioni i BE, Prezenca e OSBE, Ambasada e USA e ndonjë mision tjetër të huajsh që të flasin për Rule of Law (sundim të ligjit) në Shqipëri, vetëm do qesh!
Sepse në fakt janë bërë qesharakë sa më s’ka!
Kanë mbështetur sundimin e autokracisë ekstreme në këtë vend. Ndaj s’mund të na japin më mend për sundim të ligjit!
E kanë humbur fytyrën të na flasin për ligj e ligjshmëri.
Ne do ta gjejmë një rrugë për t’u vendosur normalitetin Kushtetues në vend, por qartësisht këtë nuk do ta bëjmë as me Soreccën, as me Leylan, aq më pak me Boschard e shokët e tjerë si këto.
Turp! Turp! Turp!
