Pas etiketimeve të kreut të bashkisë, Erjon Veliaj, i cili i quajti shpellorë banorët e zonës së Astirit, të cilët protestuan duke kundërshtuar vendimin për prishjen e banesave tek “Unaza e Re”, ka reaguar edhe ish-ministri i Drejtësisë, Ylli Manjani.
Me anë të një statusi në rrjetin social “Facebook”, Manjani teksa përdor doza ironie, thekson se të gjithë qytetarët që e votuan Erion Veliajn në krye të Bashkisë janë “shpellarë”.
Ai shprehet se kjo thirrje duket e drejtë, pasi fajin e kanë qytetarët të cilët e zgjodhën për t’i drejtuar me anë të votës.
“Po po, shpellarë jemi të gjithë ne që e votuam këtë kryetar Bashkie! Ka shumë të drejtë! Do ketë të drejtë edhe më shumë po e votuam prap”, tha ai.
