Ish-ministri i Drejtësisë, Ylli Manjani, përgëzon Ministrin e Brendshëm, Sandër Lleshaj, pasi pranoi publikisht kanabizimin e vendit. Me një koment të shkurtër por mjaft të fortë, ndarë me ndjekësit në Facebook, ai thekson se kjo deklaratë e Lleshajt, është një “grusht” ndaj propagandës së Rilindjes.
Statusi
Me shumë sjellje të Sandër Leshit nuk mund të pajtohesh, por duhet përgëzuar që pranon publikisht që vendi sot është kanabizuar.
Është një grusht i rëndë ndaj propagandës që sundon. Po godet Ministri i Brendshëm, jo armiku i jashtëm…
Një ditë më parë, Ministri i Brendshëm Sandër Lleshaj, pranoi se kanabisi nuk është ç’rrënjosur plotësisht.
Për të luftuar përhapjen e kultivimit të kanabisit në territorin shqiptar, do të përdoret flota e helikopterëve të Shqipërisë. Lajmi u dha nga Ministri i Brendshëm Sandër Leshaj, i cili tha se lufta me kanabisin vazhdon të mbetet e hapur. Deklarata e tij u bë gjatë takimit me prefektët, drejtuesit qendrorë dhe vendorë të Policisë së Shtetit.
