Ish-drejtori i AKU-së, për ti shpëtuar shkarkimit nga posti, kishte manipuluar bluzat e bardha duke marrë raporte shëndëtësore false. Një skemë ku janë firmosur raporte shëndetësore fiktive, vetëm për të shmangur komunikimin e shkarkimit nga detyra, ka vënë në lëvizje Prokurorinë.
Ish zyrtari Sefer Sefa ka dorëzuar një sërë raportesh mjekësore, më i fundit i datës 2 mars 2020, ku thuhet se ai ka probleme shëndetësore. E gjithë strategjia e tij e manipulimi ku janë përfshirë një mjek dhe tre kirurgë, është bërë me qëllimin e vetëm që të shpëtonte nga largimi i postit.
Në kohën kur ai dërgonte raporte shëndetësore, ish-drejtori i Autoritetit Kombëtar të Ushqimit, shtynte për një kohë të pacaktuar vendimin për ta pezulluar nga detyra.
Mjeku dhe tre kirurgët, identitetet e të cilëve nuk bëhen me dije, aktualisht po verifikohen nga Prokuroria, për dyshimet se ata kanë firmosur raporte shëndetësore fiktive. Duke iu referuar burimeve të “Top Channel”, ai mund të ketë siguruar raporte shëndetësore false, për të shmangur komunikimin e shkarkimit nga detyra.
Zanafilla e rastit
Largimi nga detyra i Sefer Sefes u njoftua në 15 tetor 2019, madje ai edhe u zëvendësua, por deri më tani nuk është realizuar komunikimi ligjor i kësaj mase. Siç pretendohet në denoncim, ish zyrtari ka dorëzuar një sërë raportesh mjekësore, më i fundit i datës 2 mars 2020, ku thuhet se ai ka probleme shëndetësore. Në këto kushte, komisioni disiplinor i autoritetit kombëtar të ushqimit rezulton të jetë tërhequr nga vendimi për të pezulluar nga detyra ish zyrtarin dhe urdhëron që ai të kthehet në detyrë në datën 2 prill 2020.
Zyrtari i lartë vazhdon ende të luajë mjaft fortë, duke u përgjigjur se gjendet për trajtim mjekësor jashtë vendit. Ndodhur në këto kushte, institucioni ku ai ushtron detyrën, i është drejtuar prokurorisë ku kërkon hetime për falsifikim te dokumentave shëndetësore, me pretendimin se katër mjekët nën hetim e kanë pajisur me raporte fiktive. AKU këmbëngul se ish drejtori nuk ka ka probleme shëndetësore.
