Lideri i Frontit Demokratik opozitar në Mal të Zi, Andrija Mandiç, ka deklaruar sot se vendi ndodhet në prag të luftës civile. Ndërsa ka paralajmëruar se kjo parti ka të drejtë të vetëmbrohet.
Këto komente Mandiç i bëri pasi Këshilli administrativ i Kuvendit të Malit të Zi i hoqi imunitetin atij dhe deputetëve të Frontit Demokratik, Nebojsha Medojeviç dhe Milan Knezheviç.
Mandiç tha se “të gjithë deputetët që kanë votuar për heqjen e imunitetit i konsideron armiq personalë”.
Ai theksoi gjithashtu se Fronti Demokratik “nuk pranon që deputetët e tij të poshtërohen dhe arrestohen” dhe e ka akuzuar qeverinë për sjellje jo kushtetuese.
Në këtë kuadër, Mandiç tha se Fronti Demokratik ka të drejtë të vetëmbrohet.
