Kryeministri Edi Rama zhvilloi një bashkëbisedim me qytetarë në Fier. Teksa foli për autonominë e universiteteve, Rama u shpreh se ambicia e tij për në mandatin e tretë është ardhja e universitetit teknologjik të Stambollit.
Sipas tij, kjo do të mundësonte që studentët të shkojnë në një universitet ndërkombëtar dhe të mos ikin nga shtëpia.
Edi Rama: ”Në perspektivë kjo është diçka që vlen shumë të konsiderohet. Por duhet të sigurohemi që nëse bëjmë një filial të jetë ekselence. Kjo hap një temë tjetër që është ajo e arsimit të lartë në përgjithësi që lidhet edhe me faktin që natyrisht për mjekë dhe infermierë sistemi ynë do të ketë gjithmonë nevojë. Në këtë aspekt unë e shoh me shqetësim atë që po ndodh. Universiteti ka marrë një autonomi të madhe, por shfrytëzon shumë njërën anë që është lirua dhe nuk respekton anën tjetër që është përgjegjësia.
Ambicia jonë është që në mandatin e tretë do të shtyjnë shumë për të sjellë këtë universitet. Hapi i parë është ardhja e universitetit teknologjik të Stambollit, ku ne kemi pasur për gjashtë vite eksperiencën e bukur të studentëve shqiptarë. Ardhja e universitetit teknik të Stambollit këtu do të thotë që studentët të shkojnë në një universitet ndërkombëtar dhe të mos ikin nga shtëpia. Është një universitet që funksionon perfekt për nevojat e tregut që nga teknolgjia e lartë tek i gjithë spektri i teknologjive të ndryshme duke krijuar një prurje ekspertësh për shumë aspekte të tregut që ka nevojë të madhe.”
