“Opozita duhet të hedhë një hap pas, ndërsa mazhoranca dy hapa pas”, ishte ky komenti i bërë nga presidenti Meta në një intervistë për Deusche Welle, teksa komentoi situatën politike në vend dhe vendimin e opozitës për të djegur mandatet.
Por, një nga personat që kanë kritikuar këtë vendim, është pikërisht ish-ministri i Drejtësisë Ylli Manjani, i cili bën një paralele me vendimin e Leninit shumë vite më parë.
Në një postim të shkurtër, Manjani shkruan se “Lenini kur i dha fund dhe asaj pak demokracie të brendshme në partine komuniste tha: le të bëjmë një hap para e dy hapa pas. Ndërsa, presidenti i Republikës mendon se demokracia në Shqipërinë e sotme shpëton nëse bëjmë vetëm hapa pas.”
Postimi i plotë:
Paralele historike me “hapat para dhe pas”…
————
Lenini kur i dha fund dhe asaj pak demokracie të brendshme në partine komuniste tha: le të bëjmë një hap para e dy hapa pas.
Presidenti i Republikës mendon se demokracia në Shqipërinë e sotme shpëton nëse bëjmë vetëm hapa pas.
