Pas shkarkimit nga posti i tij nga ministrja e Shëndetësisë për shkak të fjalorit joetik të përdorur nga ana e tij, ka ardhur edhe reagimi i Aurel Vodës, bashkëshortit të zv.ministres së Brendshme Rovena Voda.
Përmes një postimi në Facebook, Voda u ka kërkuar falje publike të gjithë qytetarëve për fjalët e përdorura.
Postimi i plotë:
JU KERKOJ FALJE PUBLIKE të gjithë qytetarëve, që me të drejtë janë prekur nga fjalët e mia jashtë etikës qytetare.
Me këtë rast dua ti sqaroj se kam në FSDKSH që nga tetori i 2013 dhe sot mbusha plot 6 vjet. Kam qenë mbrojtësi më i mirë i parave të taksapaguesve shqiptar. Me giithë tallazet që ka kaluar ky institucion unë nuk jam penalizuar asnjëherë as nga Auditi i Brendshëm, as nga KLSH.
Kam në pronësi 1/4 e një pallati 80 m2 në Durrës, por jam i lumtur se kam një familje të shkëlqyer prej 7 anëtarësh, dy prindrit, tre fëmijët dhe unë e bashkëshortja.
Iu kërkoj falje edhe atyre.
Gjithsesi treni nuk mund të ndalojë për asnjë person, kushdoqoftë ai.