Ministrja e Shëndetësisë Ogerta Manastirliu në emisionin “Opinion” deklaroi se mosha mesatare e të prekurve nga koronavirusi në Shqipëri është 45 vjeç.
Ajo theksoi se edhe persona që nuk kanë patologji të tjera, po shfaqin gjendje të rënduar:
“Ne jemi në javën e pestë pas rihapjes së madhe. Prisnim që do të kishte një shtim të rasteve. Ka kapërcyer pak pritshmërinë tonë, pasi mendonim se do të kishim shumë më shumë zbatim të rregullave.
Ajo që shohim është se ka prekur edhe mosha të reja.
Mosha mesatare e të prekurve është ulur dhe është rreth 45 vjeç.
Sipas raportimeve të Shërbimit Infektiv, ka raste të pacientëve që janë pa patologji të tjera dhe kanë simptoma të rënda, janë të rriskuar”.
