Ministrja e Shëndetësisë dhe Mbrojtjes Sociale, Ogerta Manastirliu ka bërë me dije se në mesin e të shëruarve në 24 orët e fundit kanë qenë edhe 1 mjekë dhe 2 infermiere.
Përmes një postimi në Facebook, Manastirliu shprehet se rreth 90% e stafit mjekësor që ka qenë infektuar nga koronavirusi janë shëruar plotësisht.
“Më gëzon pa masë lajmi se gati 90% e stafit mjekësor i prekur nga #COVID19 është plotësisht i shëruar nga ky armik i rrezikshëm. 1️ mjeke dhe 2️ infermiere janë shëruar nga COVID-19, mes 9 të shëruarve të 24 orëve të fundit”, shkruan Manastirliu në postimin e saj.
Deri më tani në Shqipëri janë shëruar 431 persona nga koronavirusi. Gjithsej në vend janë konfirmuar 750 raste infektimi, ndërsa 30 persona kanë humbur jetën.
