Ministrja e Shëndetësisë, Ogerta Manastirliu, ka dhënë një lajm shpresëdhënës lidhur me pacientët e shëruar nga koronavirusi vdekjeprurës. Me anë të një postimi në rrjetet sociale, ajo njofton se janë shëruar edhe 5 mjekë dhe infermirë.
Duke iu referuar shifrave, tashmë ka shkuar në 13 numri i personelit mjekësor, të cilët u shëruan nga COVID-19. Aktualisht janë 67 pacientë dhe staf mjekësor që kanë fituar betejën me COVID-19.
Statusi
Edhe 5️⃣ mjekë dhe infermierë të shëruar??
Shkon në 1️⃣3️⃣ numri i personelit mjekësor të #shëruar në Tiranë dhe Durrës✅
Deri tani janë 6️⃣7️⃣ pacientë dhe staf mjekësor që e kanë fituar betejën me ?#COVID-19?
Numri i personave të infektuar në vendin tonë është rritur me 16 raste të reja, duke shkuar në total në 259 persona.
Ministria e Shëndetësisë ka bërë të ditur zyrtarisht se gjatë 24 orëve të fundit janë testuar 152 persona të dyshuar, ndërsa në total janë kryer 1823 testime. Nga virusi COVID-19, në Shqipëri kanë humbur jetën 15 persona.
