Ministrja e Shëndetësisë Ogerta Manastirliu përmes një postimi në rrjetin social Facebook tregon se çfarë do të hapet nga data 1 Qershor, pra nga dita e nesërme.
Manastirliu bën me dije se kufizimet e lëvizjes do të hiqen në çdo zonë, por sipas saj “kërkohet vetëndërgjegjësim për të mos e ulur vigjilencën, për të zbatuar distancimin social dhe për të ruajtur higjienën vetjake”.
“COVID-19. Plani i masave lehtësuese nga data 1 Qershor.
Hiqen kufizimet e orareve për qytetarët dhe bizneset në të gjithë vendin.
Hapen kufijtë tokësorë, pa detyrim vetëkarantinimi, përveç rasteve kur vendoset nga autoritetet shëndetësore.
Hapen plazhet vetëm për strukturat akomoduese. Ndërsa më 6 Qershor hapen plazhet për të gjithë qytetarët.
Hapen kopshtet dhe çerdhet.
Hapen parqet, këndet e lojërave, palestrat, qendra interneti.
Hapet kampionati i futbollit, pa spektatorë.
Hapen kurset profesionale, edukative, argëtuese, konkurset e punësimit”, thuhet në postimin e Ministres.
